Graddio

Mae cofrestru ar gyfer Dathliad Graddio 2025 bellach ar agor, defnyddiwch y ddolen a ganlyn i gofrestru eich diddordeb i fynychu’r digwyddiad

Mae sawl maes parcio wedi’u lleoli yn agos at yr Bryngwen Hall. Mae rhagor o wybodaeth ar gael yn Meysydd parcio (Cyngor Abertawe)

Bydd angen i chi gyrraedd oddeutu ddwy awr cyn i’r seremoni ddechrau er mwyn rhoi amser i chi gasglu eich gwisg, rhif sedd a thocynnau gwestai. Fe fyddwn yn anfon gwybodaeth bellach ynghyd ag amserlen o ddigwyddiadau atoch wythnos cyn y seremoni.

Bydd angen i chi fod yn eich sedd 45 munud cyn amser dechrau’r seremoni ac yn ystod yr amser hwn byddwch yn eistedd yn y sedd a ddyrannwyd i chi a bydd y Prif Dywysydd yn eich briffio.

Os oes gennych chi neu eich gwesteion anabledd / ofynion mynediad penodol neu nam ar y clyw, mae angen i ni wybod amdanyn nhw. Rhowch fanylion ym mlwch ‘Manylion pellach’ ar MyTSD a byddwn yn ymdrechu i ddiwallu eich anghenion.

Rhowch wybod i’r staff ar y dydd hefyd fel y gellir cynnig cymorth.

Nid yw seddi gwesteion yn cael eu dyrannu ac mae gwesteion yn gallu eistedd unrhyw le yn y lleoliad ar wahân i’r seddi a gedwir ar gyfer Graddedigion, gwesteion yr Is-Ganghellor neu ddefnyddwyr cadair olwyn. Bydd seddi neilltuedig yn cael eu marcio’n glir. Mae mynediad i’r lleoliad trwy docyn yn unig a rhaid rhoi tocynnau i’r Stiwardiaid ar y drysau. Bydd drysau’n agor i westeion tua awr cyn dechrau’r seremoni.

Rhaid i Ddarpar Raddedigion wisgo gwisg academaidd ar gyfer cael eu cyflwyno yn y seremoni. Mae pob mynychwr fel arfer yn gwisgo dillad cymharol ffurfiol.

Ar ddechrau’r seremoni, bydd y graddedigion a’r gwesteion yn sefyll wrth i’r staff academaidd ymdeithio i mewn i’r awditoriwm. Yn dilyn gair o groeso, bydd yr Is-Ganghellor a/neu uwch swyddogion eraill y Brifysgol yn eich annerch.

Wedi darlleniad o’r Proclamasiwn, cyflwynir y graddedigion i’r Is-Ganghellor (neu’r sawl a enwebwyd ganddi). Cewch eich annog gan dywyswyr i godi o’ch sedd ac aros mewn rhes yn barod i gael eich cyflwyno ar yr amser priodol.

Bydd eich enw yn cael ei ddarllen ac ar y pwynt hwnnw byddwch chi’n esgyn i’r llwyfan, yn cerdded at yr Is-Ganghellor ac yn codi eich cap. Wedyn byddwch yn gadael y llwyfan a bydd aelod o staff yn eich tywys yn ôl i’ch sedd.

Wedyn bydd yr Is-Ganghellor yn gofyn i’r holl fyfyrwyr sy’n derbyn yr un dyfarniad i sefyll a bydd yn eich cyflwyno’n ffurfiol i’ch dyfarniad. Dylech godi eich cap mewn ymateb a pharhau i sefyll er mwyn derbyn Cyfarchion y Brifysgol.

Gan edrych ar yr Is-Ganghellor, plygwch eich pen ychydig a naill ai cydiwch ym mhigyn blaen eich cap neu codwch eich cap ychydig. 

Mae hyd y seremoni yn ddibynnol ar y nifer sy’n mynychu, ond fel arfer maent rhwng awr a 2 awr o hyd. Ar wahân i’ch cyflwyniad, mae’n ofynnol i chi a’ch gwesteion aros yn eich sedd am gyfnod y seremoni.