Astudiaethau Ôl-raddedig

Amdan y Ganolfan

Sefydlwyd Canolfan Uwchefrydiau Cymreig a Cheltaidd Prifysgol Cymru (CAWCS) gan Brifysgol Cymru ym 1985 fel canolfan ymchwil bwrpasol ar gyfer ieithoedd, llenyddiaethau, diwylliant a hanes Cymru a gwledydd Celtaidd eraill.                                                                                                                                  
Mae’r Ganolfan wedi’i leoli yn Aberystwyth, ochr yn ochr â Llyfrgell Genedlaethol Cymru, llyfrgell hawlfraint o fri rhyngwladol sy’n gartref i gasgliad o lawysgrifau ac archifau Cymreig. Mae hefyd yn gartref i Geiriadur Prifysgol Cymru.

Rydym yn cynnig graddau ymchwil ôl-raddedig (MPhil a PhD) ym meysydd Astudiaethau Cymreig ac Astudiaethau Celtaidd, drwy gyfrwng y Saesneg neu’r Gymraeg. Caiff ein myfyrwyr eu goruchwylio gan ysgolheigion blaenllaw ac maent yn gweithio ochr yn ochr â cymrodorion ôl-ddoethurol mewn amgylchedd cefnogol gyda chyfleusterau ymchwil rhagorol. Rydym yn rhan o Brifysgol Cymru Y Drindod Dewi Sant (PCYDDS) ac mae ein graddau’n cael eu dyfarnu gan PCYDDS. 

Myfyrwyr PhD Cyfredol 

Douglas Ewart – The Tweed and Cleddau: a comparative study of the cultural histories of communities living within the catchments of two British rivers.
Goruchwylwyr: Mary-Ann Constantine ac Elizabeth Edwards

Megan Farr – Putting Cymru on the Map: Strategic Action for Internationalising the Children’s Publishing Sector in Wales.
Goruchwylwyr: Elin Haf Gruffydd Jones ac Alexandra Büchler

Colin Fisher – Concepts of a Roman Identity – Romanitas in Wales from Roman Britain to the Medieval Era.
Goruchwylwyr: David Parsons a Rhys Kaminski-Jones

Zhiping Li – Translating Chinese Classics: A Study of Chinese Translators’ Adaptative Strategies in the Age of Cultural Globalization from a Bourdieusian Perspective.
Goruchwylwyr: Thomas Jansen ac Elin Haf Gruffydd Jones

Catrin Llwyd – I ba raddau mae cynhyrchu cynnwys cyfryngol Cymraeg yn cyfrannu at greu amgylchiadau ieithyddol cadarnhaol neu ‘ofodau anadlu’ (cf Fishman, 1991) i gynyddu defnydd a chryfhau hunaniaeth ieithyddol. Ffocws ar bobl ifanc Sir Gaerfyrddin.
Goruchwylwyr: Elin Haf Gruffydd Jones a Christine Jones

Daniel Konttori – ‘The other Celtic countries’ – Are Germany, Austria and Switzerland not Celtic?
Goruchwylwyr: John Koch a Rhys Kaminski-Jones

Elliot MacMillan – Richard Gough in Wales: the intellectual production of eighteenth-century antiquarian travel.
Goruchwylwyr: Mary-Ann Constantine a Rhys Kaminski-Jones

Jeanne Mehan – Lives of the Welsh saints in Nicholas Roscarrock’s unpublished manuscript now known as Cambridge, Cambridge University Library, MS Additional 3041(C).
Goruchwylwyr: Jenny Day a Jane Cartwright

Mark Rees – The Gothic Gaze: dark perceptions and representations of Wales and the Welsh in the visual culture of the long nineteenth century.
Goruchwylwyr: Elizabeth Edwards a Martin Crampin

Sally Sadler – The life, works and legacy of Richard Fenton, Pembrokeshire antiquarian.
Goruchwylwyr: Mary-Ann Constantine ac Elizabeth Edwards

Lisa Spooner – The folklore of West Cornwall: an analysis of collections, publications, and adaptations from the eighteenth to twenty-first centuries, focussed on the works of William Bottrell and Robert Hunt (published 1865-81).
Goruchwylwyr: Mary-Ann Constantine ac Elizabeth Edwards

Patricia Taylor – Healing Waters: an analysis of evolving medicinal, traditional, commemorative and other uses of wells associated with St Cybi in Wales and Cornwall.
Goruchwylwyr: Jane Cartwright, Martin Crampin a Mary-Ann Constantine

Ffioedd a Sut i Wneud Cais

Disgwylir i ymgeiswyr am astudiaeth MPhil/PhD fod â gradd dosbarth cyntaf neu ail ddosbarth uchaf (neu gyfwerth) mewn disgyblaeth berthnasol.

Y cam cyntaf wrth wneud cais i astudio yn y Ganolfan yw dod o hyd i oruchwyliwr sy’n addas i’ch maes astudio. Bydd eich goruchwyliwr yn eich cynghori ac yn eich cefnogi drwy gydol eich amser yn y Ganolfan, gan sicrhau bod eich traethawd MPhil/PhD yn datblygu i’w lawn botensial ac yn bodloni’r safonau gofynnol. Poriwch broffiliau ein staff i ddod o hyd i aelod o staff yn eich maes pwnc, ac mae croeso i chi anfon e-bost yn uniongyrchol atynt i drafod pynciau PhD posibl – byddant yn falch o’ch cynorthwyo.

Y cam nesaf yw llunio cynnig ymchwil – trosolwg o 500 i 1000 o eiriau o’r cwestiynau a’r materion rydych am eu harchwilio yn eich traethawd. I drafod ymhellach sut y gallwn eich helpu i ddatblygu eich syniadau ymchwil, ac i gael cyfarwyddyd cychwynnol am y broses dderbyn, cysylltwch â’n Pennaeth Astudiaethau Ôl-raddedig.

Gallwch hefyd ddod o hyd i gyfarwyddyd ac arweiniad pellach yn ymwneud â’r broses ymgeisio yma.

Am wybodaeth pellach am ffioedd blynyddol ar gyfer cofrestru MPhil/PhD, cliciwch yma.

Astudio yn Aberystwyth

Mae Aberystwyth yn dref fywiog arfordirol gyda phoblogaeth fawr o fyfyrwyr, wedi’i lleoli uwchben Bae Ceredigion ac yng nghanol cefn gwlad prydferth. Mae’n debygol y bydd cerdded ar hyd y traeth yn dod yn rhan reolaidd o’ch bywyd yma. Mae Mynyddoedd Cambria a Pharc Cenedlaethol Eryri o fewn cyrraedd hawdd, gan roi cyfle i chi fwynhau gweithgareddau awyr agored, o ddringo creigiau i gaiacio ar y môr.

Mae’r dref yn llawn bariau, bwytai a chaffis, ac mae ganddi galendr diwylliannol bywiog, gyda cherddoriaeth fyw, comedi, theatr, sinema a dawns yn rheolaidd. Wedi’i lleoli yng nghalon y ‘Fro Gymraeg’ ac â golygfa ddiwylliannol Gymraeg weithgar, mae’n berffaith ar gyfer dysgu neu fireinio’ch sgiliau yn iaith Geltaidd fwyaf ei ddefnydd yn y byd!

Mae gan Aberystwyth gysylltiadau ffyrdd ac mewn trafnidiaeth gyhoeddus, gyda thrên rheolaidd o Aberystwyth i Loegr ac arfordir gogledd Cymru. Mae Aberystwyth yn cyfuno pleserau diarffordd cefn gwlad gyda bywiogrwydd cosmopolitan tref brifysgol – ac mae staff a myfyrwyr y Ganolfan yn rhan hanfodol o’r gymysgedd hwnnw.

Ffynhonellau Cyllid

Mae benthyciadau ar gyfer astudiaethau ôl-raddedig bellach ar gael:

• ar gyfer ymgeiswyr y tu allan i Gymru
• ar gyfer ymgeiswyr o fewn Cymru

Mae Sefydliad James Pantyfedwen yn dyfarnu grantiau ar sail gystadleuol i fyfyrwyr o Gymru ar gyfer astudiaethau ôl-raddedig.

Mae’r Coleg Cymraeg Cenedlaethol yn dyfarnu Ysgoloriaethau Ymchwil ar sail gystadleuol ar gyfer astudiaethau doethurol drwy gyfrwng y Gymraeg.